Azurag n Arrif

Deg ayyur n mars, tilivision n mritc tarzem ijen aneghmis s Tamazight. Ruxa cahrayin zegwami war it3adi ca, su inni CPM ycedka ḥuma ad aren aneghmis-a. Mohatar Hassan zeg CPM yttef manya d "munkal", mizig marra Imazighen n Mrtic te3dja-sen dariba n tilivision. Mohatar Hassan inna 3awed, yxsa urabud ijen aneghmis s Tamazight deg tilivision n Mritc, mizig attas n iwden n Mritc war ssinen ad siwlen Tacastillant.

Deg ussan ig ya3den amghar n Mritc Juan José Imbroda iga ijen amsawal mani ycka Moḥamed Allouite, inna azedjid n maghrib d amdukker n spanya, 3awed inna ixsa Mohamed 6 ad yklef xef Arrif. Ujar ytukar amghar n CPM yteqqar Mustafa Abercan d "imperator n imazighen". Udabbi Imbroda ytcuc ad ymḥa xef Imazighen n Arrif !

220 ifroren igi ysmuqqeren ghar taddart n umzruy n Castelló. Vincente Farnas amkelef n tussna n Castelló inna "Asmuqqer n afror n Arrif itecc-anegh-d agra d temgher n tussna zeg-zik". Amsuqqer-a ad tili tarzem zeg 07/09/2009 ar 25/10/2009.

Afror n Arrif ytmegga s ufus, ur staεmilan ca tajarat ytemzragen. Afasser ines d qqim amuk ira s teggen imezgura, ujar traghan-t deg ufaran, azuwaq ines ykenneḥ s udaghi.

Afror-a itabber-it xas timettutin, teggen zeg-as marra ḥwajat n taddart am tiḥabin, aqnuc... Ruxa ur yqqim ca attas n iwden 3ad sta3malan afror, su inni ydrus timgharin igi tabberen afror, maca rux iwden aren taynit i marka-ni duwren tsaghent.

Ass n 29/08/2009 ymssar ijen tanekkra ghar Ajdir. Imsghuyen ughen-t ak ijen macru3 atiri xef ilel (rebḥar) n souani-sfiḥa, mani ira yidja deg umzgaru "club mediterannée". Ruxa el moghrib tarzu ad tbni ijen nden macru3 n imsarran deg uraq-a (umken).

Tamurt-ni ira ydja ijen tandint, ira qqara-nes "ALMAZEMET". Nssen qqa xarbi iseggwasen ghares, ntaf-it deg arraten n umzruy tzedagh jjit n wis 8 iqoronten. Ad tiri ira zedghen-t iwden deg uraq-a dat erwaεt-ni, atigh deg er3ad n ufinicien.

"ALMAZEMET" amzruy ines imghar, su inni iwden kkaren ḥuma ad tsebden macru3 n el moghrib, mizi 3ad iqqim zeg tandint ijen ssur itdhor. Ḥuma imoghrabiyen war temḥen amzruy negh swaday ubetton, grawen Irrifien igi xsen deg tamurt nsen d wan zik.